ក្នុងរយៈពេល ៣ ថ្ងៃកន្លងមកនេះ សិក្ខាកាមទទួលបានការបណ្តុះបណ្តាលយ៉ាងស៊ីជម្រៅលើ ចំណេះដឹង ជំនាញ និងឥរិយាបថ ក្នុងនាមជាអ្នកវាយតម្លៃបង្គោលនៃសេវាកម្មសណ្ឋាគារ ស្របតាមគុណវុឌ្ឍិជាតិ ដែលរួមមានខ្លឹមសារសំខាន់ៗដូចជា៖
១. ចំណេះដឹងអំពីកញ្ចប់ស្តង់ដាបណ្តុះបណ្តាល (Standard Training Package-STP) ស្របតាមក្របខណ្ឌគុណវុឌ្ឍិកម្ពុជា (Cambodia Qualifications Framework-CQF)
២. កម្រងសមត្ថភាព (Competency Profiles)
៣. ឯកសារស្តង់ដាសមត្ថភាព (Competency Standard)
៤. កញ្ចប់វាយតម្លៃសមត្ថភាព (Competency Based Package)
៥. សេចក្តីណែនាំក្នុងការវាយតម្លៃសមត្ថភាព (Competency Based Guidelines)
៦. ឧបករណ៍វាយតម្លៃសមត្ថភាព (Competency Assessment Tools)
៧. ការអនុវត្តការវាយតម្លៃសមត្ថភាព ផ្អែកលើការអនុវត្តស្តង់ដាសមត្ថភាពជាតិ (Competency Assessment Based on National Competency Standard Implementation)
ដើម្បីធានាបាននូវគុណភាព និងសក្ខីភាពនៃសមត្ថភាព សិក្ខាកាមទាំងអស់ត្រូវបានវាយតម្លៃយ៉ាងម៉ត់ចត់លើចំណេះដឹង និងជំនាញ ស្របតាមស្តង់ដាក្របខណ្ឌគុណវុឌ្ឍិជាតិ រយៈពេល ១ ថ្ងៃពេញ នៅថ្ងៃទី២៧ ខែធ្នូ ឆ្នាំ២០២៥ ដោយប្រើប្រាស់វិធីសាស្ត្រវាយតម្លៃចំនួន ៣ វិញ្ញាសារួមមាន៖
១. វិញ្ញាសាសំណួរសរសេរ៖ ដើម្បីតេស្តចំណេះដឹងផ្នែកទ្រឹស្តី ២. វិញ្ញាសាសំណួរផ្ទាល់មាត់៖ ដើម្បីតេស្តការយល់ដឹង និងការបកស្រាយ ៣. វិញ្ញាសាអនុវត្តផ្ទាល់៖ ដើម្បីវាយតម្លៃលើចំណេះដឹង ជំនាញ និងឥរិយាបថជាក់ស្តែង ផ្អែកលើស្តង់ដាសមត្ថភាពជាតិ
គួរបញ្ជាក់ផងដែរថា វគ្គបណ្តុះបណ្តាលនេះ ស្ថិតក្នុងគម្រោង “មុខរបរ និងការងារសមរម្យសម្រាប់យុវជននៅកម្ពុជា (DEY) ដំណាក់កាលទី៣” ដែលអនុវត្តដោយអង្គការ ILO ក្រោមការឧបត្ថម្ភគាំទ្រពី ទីភ្នាក់ងារស្វីសសម្រាប់ការអភិវឌ្ឍ និងសហប្រតិបត្តិការ (SDC)។
