សកម្មភាពនៃវគ្គបណ្តុះបណ្តាលជំនាញការិយាល័យជួរមុខ ស្របតាមកម្មវិធីបណ្តុះបណ្តាលជំនាញបដិសណ្ឋារកិច្ច ហូកា (HoKa) ដល់អ្នកជំនាញទេសចរណ៍ចំនួន ២៥រូប នៅក្នុងខេត្តព្រះសីហនុ
សម្រាប់រយៈពេល ៤ថ្ងៃដំបូងនេះ សិក្ខាកាមទាំង ២៥រូប ទទួលបានការបណ្តុះបណ្តាលលើចំណេះដឹង ជំនាញ និងឥរិយាបថវិជ្ជាជីវៈក្នុងនាមជាអ្នកជំនាញទេសចរណ៍លើជំនាញការិយាល័យជួរមុខ ស្របតាមកម្មវិធីបណ្តុះបណ្តាលជំនាញបដិសណ្ឋារកិច្ច ហូកា (HoKa) រួមមាន៖
១. តួនាទី និងភារកិច្ចរបស់ខ្ញុំជាអ្នកទទួលភ្ញៀវ
២. ការប្រាស្រ័យទាក់ទងក្នុងវិស័យបដិសណ្ឋារកិច្ច
៣. សេវាកម្មប្រណីត (Premium Service)
៤. ជំនាញទំនាក់ទំនងតាមទូរស័ព្ទ
៥. ចំណេះដឹងមូលដ្ឋានផ្នែកទទួលភ្ញៀវ
៦. នីតិវិធីនៃការកក់ (Reservation Procedures)
ដើម្បីធានាគុណភាពវគ្គបណ្តុះបណ្តាល និងសមត្ថភាពរបស់សិក្ខាកាមទាំងអស់ មន្ត្រីនាយកដ្ឋានបណ្តុះបណ្តាលជំនាញវិជ្ជាជីវៈទេសចរណ៍ ដឹកនាំដោយ លោក សាំង ចន្ធូ និងក្រុមការងារចំនួន ៣រូប បាននិងកំពុងតាមដាន ត្រួតពិនិត្យ និងវាយតម្លៃ (M&E) គុណភាពវគ្គបណ្តុះបណ្តាលជំនាញបដិសណ្ឋារកិច្ច ហូកា (HoKa) ដល់អ្នកជំនាញទេសចរណ៍សរុបចំនួន ១០០រូប លើជំនាញការិយាល័យជួរមុខ, គេហកិច្ច, សេវាកម្មម្ហូបអាហារ និងភេសជ្ជៈ និងជំនាញចុងភៅ ដែលប្រព្រឹត្តទៅចាប់ពីថ្ងៃទី៩ ដល់ថ្ងៃទី១៧ ខែមករា ឆ្នាំ២០២៦ នៅក្នុងខេត្តព្រះសីហនុនេះ។
គួរបញ្ជាក់ថា វគ្គបណ្តុះបណ្តាលនេះស្ថិតក្រោមកិច្ចសហការរវាងគណៈកម្មការគ្រប់គ្រងគម្រោង ហូកា នៃក្រសួងទេសចរណ៍ នឹងសមាគមទេសចរណ៍កម្ពុជា (CATA) ដោយមានជំនួយហិរញ្ញប្បទានពីមូលនិធិអភិវឌ្ឍន៍ជំនាញ (SDF)។
